أسعد الله جميع أوقاتكم بالخير
اليوم بذكرلكم تجربة جديدة لي وما فكرت إني أكتبها إلا بعد ما بانت النتيجة تحريآ للدقة في النصح أسأل الله أن ينفعني وإياكم فيها..
هذا يا غاليات معجون أسنان كتبه لي دكتور بعد ما طلبت منه معجون أستخدمه لتلميع وتبيض أسناني لأني من محبات شرب الشاي والقهوة ويظهر عندي تصبغ وما أحبذ عملية تنظيف الأسنان بالعيادة بصراحة 200 ريال والله كثيررررة عليها لا وكل 6 شهور بعد الله لا يواخذنا أتصدق بها لوجه الله أفضل
المهم جزاه الله خير عطاني معجون إسمه DEPURDENT وقال تستخدميه كل جمعة بعد ماتغسلي أسنانك بالليل قلت شورك وهداية الله
المهم مالكم بطولت السالفة إستخدمته ( بس نصيحة لوجه الله خلي له فرشاة خاصة لأن لازم تحطيه على فرشاة جافة ودلكي الأسنان كلها بشكل دائري حوالي دقيقتين بشكل خفيف والحبيبات الزجاجية بتنظف و تلمع لك الأسنان لكن التدليك القوي بيخدش لك بالميناء ويضرها مع الوقت) ولي شهر بس عاد للأمانة أستخدمه كل إثنين وخميس ومافيه مضره لأني سألت الدكتور وقال بس مو أكثر من كذا لأنه بيضر أسنانك والحمدلله رب العالمين أسناني حلوووووووة لونها فاتح مافي أثر لأي بقع أو تصبغات لونية وعلى فكرة ممتاز جدآ للرجال إلي يدخنون وإن شاء الله يهديهم ربي ويتركون التدخين حفاظآ على صحتهم
هذا المعجون سعره 15 ريال بسسسسسسسس يحقق لك نفس نتيجة التنظيف بالعيادة بس الفرق إنك توفرين 185 ريال بجيبك لأشياء أهم
تقبلوا فائق إحترامي وبشروني عن النتايج بشركم الله بالجنة
موضوع: تبين أسنانك نظيفة ولمعتها واضحه !! السر في هالمعجون 
الإثنين مارس 24, 2008 4:21 pm