أحرجيني لا بغيتي ..عذاب قصيدة مع قصه

المساهمات : 71 تاريخ التسجيل : 22/03/2008

الموضوع : اجرحيني لا بغيتي.. ; عذاااب.. قصيده مع قصه..

مرحباا السااع..
جبت لكم قصيده مع قصه..
بس أمانه أقروها كامله عشان تتأثرون
وتبون الصرااحه.. تراها..
عذاااااااااااااااااااااااااااااااااااااااب..
وغراااااااااااااااااااام من قلللب..
المهم..
السالفه أن..
في 2 يصيرون حق بعض وهم ربع ربع ربع وأكثر من ربع بعد..
واحد اسمه مباارك والثااني ذيااب..
واتصير لهم وحده اسمها الجاازيه..
مبارك والجازيه يحبوون بعض بس محد يدري الا أخت مبارك..
وحتى ذيااب بعد كان يحب الجازيه بس بعد محد يدري..
وبما أن مباارك وذيااب وايد مع بعض..
فـ ذياب قال حق مبارك أنه يحب الجازيه وانه بيخطبها..
وطبعن مباارك انصددددددددددم من قللب.. وتغير.. وصاار حزين ودوم يفكر..
بس بعديين قال أنه لازم يضحي بهالحب عشان خاطر ذياب توأم روحه..
ولازم يكـَره الجازيه فيه عشان إذا خطبها ذياب توافق..
فـ أول ماجاف الجازيه سوا نفسه يغاازل وأونه يقول حق اللي يكلمها أنه مايحب الجازيه وانه يلعب عليها..
وهاي كله عشان تسمعه الجازيه و تكرهه..
وهي صدق.. كرهته واعتبرته خاين ولعاب ومايستاهل.. إلــخ
ولما خطبها ذيااب وافقت عشان تقهر مبارك لان ذياب توأم روحه..
وقرييب العرس.. مبارك وأخته خذوا الجازيه وراحو البر..
لان مبارك كان يبي يعترف لها انه يحبها وهو ضحى عشان ذيااب..
وقاال لها هالقصييده..

إجرحـيـنـي لا بغـيـتـي .. كــــان لــــك جــرحــي إبـتـسـامـه
المـهـم إنــك تكـونـي يــا بـعـد ذاتــي.. سعيده"ويـأشـر علـيـهـا"..
روحـــي لـــه الـحـيـن يالله وإسـمـعــي صــوتــه وكــلامــه
ولا تشيلـي هـم قلبي"ويـأشـر عـلـى قلـبـه".. عيـشـي دنـيـاك الجدديـده
قـولـي لـذيـاب إنــك مــا عـرفـتـي فـــي الـحـيـاة إلا غـرامــه
وقـولـي إنــك قـبــل حُـبــه تمـشـيـن فـــي دربـــك وحـيــده
ولا تيـبـيـن لــــي طــــاري وتسـمـعـيـن مــنــه مــلامــه
سـولـفـي عـنّــك وعـنــه وصـيــري عـــن قـلـبـي بـعـيــده
وإن بغيتيني"ويأشـر عـلـى عـمـره" تعـالـي وعـوّضـي فيـنـي خصـامـه
وصدقـيـنـي فــــي الـنـهـايـه إنــتــي وحــــدك مسـتـفـيـده
دام قـلــب ذيـــاب مـــن غـلاتــك.. ايـتـفـزز مـــن مـنـامــه
أشـهــد إنـــه حـيــل حَـبــك مـــن وريـــده لـــي وريـــده
وان كـــان هـمــي بـــس اشـوفــك طـايــره مـثــل الحـمـامـه
وإن فـرحـتـي كـنــت أفــــرح وأكــســر بــيــوت الـقـصـيـده
كـنــت أشـوفــك فـــي عـيـونـي مـثــل (زرقـــاء الـيـمـامـه(
ويـــن مـــا قـلـبـك يـسـافـر كــانــت عـيـونــي تـصـيــده
شفتي هذا الكون كله بالرجولـه والشهامه"يأشـر علـى هالكـون اللـي جدامـه"..
لـــــو بغـيـتـيـنـي أبــيـــده .. والله لـعـيـونــك ابـــيـــده
كـنــت أحـــارب لـجــل حـبــك والـقــوي أكـســر عـظـامــه
وكـــان قـلـبـي لـــك أسـيــرٍ وكـانــت عـيـونــي شـهـيــده
قـلـبـي والله مـــن عـرفـتـك صـــرت مــــدري وش عــلامــه
كــل مــا صـرتــي فـــي عـيـنـي شـفــت نبـضـاتـه شـديــده
وقـــدرك الـلــي إنـحـنـى لـــي وقـلــت: عـــز الله مـقـامــه
عـالـي قــدرك فـــي عـيـونـي وكـــل مـــا شـفـتـك أزيـــده
إنـتــي لـــو عـنــي تغيـبـيـن صـــارت جــروحــي يـتـامــه
خــافــي الله لا نـويــتــي ولا تـضــحــي فـــــي عـبــيــده
كـــان ودي بــــس احــظــى بــحــب قـلـبــك وإهـتـمـامـه
والـشـعــر عــنّــك اقــولــه وأنـتـهــي مــنــه وأعــيـــده
كنتـي أمنيتـي بحيـاتـي وكنـتـي فــي قلـبـي مرامه"ويـأشـر عليـهـا"..
وإن كتـبـتـك فــــي حــروفــي صــــارت الـقـصــه فــريــده
وكـنـت أشـعـل لـــك كـفـوفـي لـجــل أنـــور لـــك ضـلامــه
وإن خـذيـتــي الـعـلــم مــنــي تـطـلــع عـلـومــي أكــيــده
حـتــى لـمــا كـــان يــرمــي كـلـهــا فـيـنــي سـهـامــه
كـنــت أضـحــي فـــي حـيـاتـي لــــو نــوالــك بالـمـكـيـده
شــاعــرٍ مــــا رد حــتــى عــلــى لـبّـاســي الـعـمـامــه
وقـلـبـك إنـتــي صـــار فـجــأه والله يــــا حــلــوه يـقـيــده
فــي الـزمـن نـــادر وجـــودي ويـــا كـثــر فـيــه الـرخـامـه
وصـــار عـــادي فـــي زمـنّــا الأخــــو يـقـتــل عـضـيــده
الـحــديــده فـــــي إيـديــنــي والـقـضـيــه.. إتــهــامــه
وإنـتــي الـقـاضـي وطـبـعـاً مـــا تحـسـيـن فـــي الـحـديــده
مركبي الغرقان بسّك لا تزيدين في حطامه "يطالعها بنظرة كسيرة ويوخي براسه تحت"..
كـل مـا ألمـح نجاتـي صـارت أمواجـه شديـده "يزيـد مـن كلمـة شديـده"..
صـدقـيـنـي حــيــل أحــبــك والــوعــد يــــوم الـقـيـامــه
ويــل مـــن هـــو كـــان يـكــذب وكـانــت ذنـوبــه جـريــده
إتركـيـنـي لـجــل عـيـنـه .. كـــان لـــك حُــبــه إبـتـسـامـه
الـمـهـم إنـــك تـكـونـي يــــا بــعــد مــبــارك سـعـيــده
إنـسـي الـلـي صـــار كـلــه وصـيــري لـــه مـنـبـع هـيـامـه
وإن ذكرتـيـنـي بغـيـابـي قــولــي عــــن روحــــي فـقـيــده
مـــا أبـــي مـــن قـلـبـك إلا .. طـــول عـمــره والـسـلامــه
خـلــي بـالــك مـــن زمــانــك دنـيـتــك هــــذي عـنـيــده
خـلــي ذيـــاب فـــي عـيـونــك ودووم نـوريـلــه ظــلامــه..
لا تـرديـنــي طـلـبـتـج ..وخـلــيــج افـحـيـاتــج سـعــيــده..
خـلــي تـــوأم روحـــي يـنـسـى كـــل جـروحــه واحـطـامـه..
وانــا مــا تركـتـك الا لجـلـه وهــو يحـبـك والله مـــن وريـــده..

وعقب.. هي تمت تصيح..
وذيااب بالحظ سمع القصيده
وقال الحين فهمت ليش مبارك كان دوم يكتب..
مكتووب لي أحب..وأشووف غيري ياخذ أحبابي..
مكتووب لي أحلم..وأشوف غيري تتحقق له أحلامي..
مكتووب لي أحزن..وأشوف غيري يسرق أفراحي..
مكتووب لي أحب بصمت..وأشوف غيري يعلنه للخلق..
مكتووب لي أداري دمعتي..وأرسم على وجهي ابتسامه..تخفي "جراحي.."..
وقرر أنه يفك الخطبه لان مبارك والجازيه يحبون بعض..
بس عقب ذيااب سوا حادث وماات..
فـ مبارك والجازيه اتزوجوا وجابو ولد وسمووه ذياااب..
روووووووعه القصه.. عذاااااااااااب..
والا شــ راايكم..؟؟